सोहर ( कृष्ण जन्म ) 



✍👤शिव कुमार झा टिल्लू 
***************************
आठम दिवस मास भादव पक्ष अन्हरिया रे 
ललना रे देवकी के कोरमे एलथि कृष्ण संवरिया रे !   
गरजि गरजि क' बरसय बादरि करिया रे 
ललना रे माँथपर जगतक नाथ पिता छथि भरिया रे !
राकस अनुचर सूतल सटि गोरथरिया रे 
ललना रे नंदगाम चललथि तात कि राति दुपहरिया रे.....
सूतल सकल चराचर मथुरा बजरिया रे 
ललना रे स्वर्गमे सुरगण नाचथि भेख पमरिया रे ..
माँथपर सद्यः रक्षक ड'र'ने बहरिया रे 
ललना रे हरि-हर देखि विभोर कि नृपक कहरिया रे......
चैनक निन्न नृपनंद बदलि बाल सरिया रे 
ललना रे कृष्ण यशोदा'के कोर कि नन्द नगरिया रे ..
************************************

✍👤शिव कुमार झा "टिल्लू"

0 टिप्पणियाँ Blogger 0 Facebook

 
Apanmithilaa.com © 2016.All Rights Reserved.

Founder: Ashok Kumar Sahani

Top