भगवती गीत --

✍👤मैथिल प्रशान्त

उजरल नगरिया हमर विपतिक मोटरिया देलियै मा 
बिसरिये गेलियै मा, 
मा हे कोराक ललन लेल अहाँ बेदर्दी भेलियै मा ।।

तन्नुक सिनेहक डोरी ।
मायसँ सदिखन जोड़ी ।। 
लाले रंग अँचरिया लेलियै मा, 
मा हे एको दिन नै देहिया लगेलियै मा । 

नोरक बड़का दाहड़ । 
कोना माकेँ करेजा पाथर ।।
दुखक बदरिया केलियै मा, 
मा हे आठो घड़ी चरणे सेवलियै मा ।

हमरो नेहोरा सुनियौ । 
कनडेरियोसँ एकबेर तकियौ ।।
किए नै खबरिया लेलियै मा, 
मा हे सभ पर ममता लुटेलियै मा ।

~>  मैथिल प्रशान्त 
   दुर्गौली, बेनीपट्टी ।

कबि- मैथिल प्रशान्त जी

0 टिप्पणियाँ Blogger 0 Facebook

 
Apanmithilaa.com © 2016.All Rights Reserved.

Founder: Ashok Kumar Sahani

Top