गोसाओनिक गीत 



✍👤मैथिल प्रशान्त 

हमर बारीमे फुलएल फूल अरहुल भकरार मा हे 
----------------------------लाल अरहुल भकरार ।
      भोरक बसात  सिहकय झरय सिंगरहार ।।
---------------------------मा हे झरय सिंगरहार ।

मैयाक रुप अनुप लागै सोहाओन । 
हन हन काता कलराती भयाओन ।। 
श्रद्धाक ज्योति आस भेल कचनार ।

बालक अबोध अधम हम जनमी । 
आसीन मास पूजब भरि दशमी ।।
नुपुर पाएर हाथ कंगना सिंगार ।

आँगन हमर बनि अयली कुमारि ।
अगर गुगुल दीप लिअ सभ बारि ।।
मुँहसँ कहब नहि अहाँकेँ सभ छै देखार । 

~> मैथिल प्रशान्त 
  दुर्गौली, बेनीपट्टी ।।

कबि - मैथिल प्रशान्त जी

0 टिप्पणियाँ Blogger 0 Facebook

 
Apanmithilaa.com © 2016.All Rights Reserved.

Founder: Ashok Kumar Sahani

Top